SA DGTE INTERNET CAFE GISULOD OG TULISAN

Nadala sa mga Tulisan nga nagmotor ang

Kwarta nga kita sa Internet Cafe og mga Cell Phone nga gipanag-iya sa Customer og Attendant sa maong Cafe human mi deklara og Tulis ang mga Suspetsado kaganihang kadlawon sa may alas 2:00 kilid mismo sa Foundation University ning Syudad. 

Mga Biktima sila si John Rey Balde, 21, Internet Cafe attendant, taga Calo Lungsod sa San Jose ning Lalawigan og ang laing biktima mao si Aljon Montiel Cabiles, hengkod Customer sa maong Internet Cafe, nagpuyo sa Barangay Bajumpandan, Syudad sa Dumaguete. 

Mga Cell Phone nga nakuha sa mga Tulisan mokantidad og 3, 600 pesos og Salaping Cash nga mukabat og 1,100.00 pesos nga gipanag-iya sa Cafe Attendant. samtang laing duha ka Samsung Cell Phone nga mokantidad og 5,000.00 pesos nga gipanag-iya sa Customer sa maong Cafe. 

Daling nakasibat ang mga Suspetsado samtang ang PNP Dumaguete ang nipahigayon kini karon og seryosong imbestigasyon aron sa pag-ila og pagsikop sa mga Suspetsado.